حلوى السميد بالشربات هنعملها بطريقة جديدة غير عن كل مرة و بمكونات مضمونة 100% | المطبخ التركي Kenya

اليوم عنا طريقة عمل حلوى السميد بالشربات حنعملها بطريقة جديدة غير عن كل مررة و بمكونات مضمونة 100% و اذا عجبتكن الوصفة لا تنسوا تكتبوا لي رأيكم بالتعليقات و بتمنى تعملوا لايك و شير للفيديو لحتى يوصل لأكبر عدد ممكن يلا نبدا مع بعض .حتى لا يفوتكم وصفاتنا يمكنكم الاشتراك فى القناه. https://goo.gl/kuufbf لتجهيز الشربات: 2,5 كوب من السكر 2,5 كوب من الماء 1 شريحة من الليمون المكونات: 125 جرام من الزبدة 1 كوب شاي من بودرة السكر (125 مل) 1 كوب شاي من الزيت(125 مل) 1 حبة من البيض 1 كوب شاي من السميد (125 مل) 1 باكيت من البيكينج باودر 1 باكيت من الفانيليا 3 كوب من الطحين طريقة التحضير: 1-بالبداية لتجهيز الشربات في طنجرة مناسبة نضيف السكر و الماء و نحركهن مع بعض لحتى يدوب معنا السكر و ننتبه على حرارة النار لازم تكون متوسطة 2- و لما يغلي معنا الشربات نقلل من قوة النار و نتركه على النار لمدة 10 دقائق تانية 3- بعدين نضيف شريحة الليمون و نتركها على النار لمدة دقيقتين تانين بعدين نشيل الشربات من على النار و نتركها لحتى تبرد 4- و هلا لتجهيز حلوى السميد في طبق مناسب نضيف الزبدة و لازم تكون بحرارة الغرفة و نضيف بودرة السكر, الزيت, و البيض و نحرك المكونات مع بعض و بالمناسبة مقاس كوب الشاي اللي استخدمناه 125 مل 5- بعدين نضيف السميد, البيكينج باودر , الفانيليا و الطحين بالتدريج و نعجن المكونات مع بعض لحتى نحصل على القوام المناسب 6- و لما تجهز معنا العجينة و تبطل تلصق باليدين نبدا بتشكيل العجين هناخد قطعة صغيرة من العجين و نشكلها على شكل كرات صغيرة 7- نحط قطع حلوى السميد في صينية الفرن على ورق الزبدة و نكمل بنفس الطريقة لحتى تخلص معنا كل العجينة 8- و بالمقادير اللي استخدمناهن قدرنا نعمل بما يقارب 26 قطعة من قطع حلوى السميد 9- و لما نخلص من تشكيل القطع هنحط حبة من البندق فوق كل قطع حلوى السميد اللي جهزناها و طبعا اذا مو متوفر عنا البندق فينا نغيره مع اي نوع من المكسرات المتوفرة عنا 10- ندخل صينية الفرن على فرن حامي على درجة حرارة 180 لمدة 30 دقيقة 11- و لما يجهزوا معنا قطع الحلوى نطالعهم من الفرن و نحطهم في بايركس مناسب و نضيف عليهن الشربات اللي جهزناه 12- نتركهم على جنب لمدة كم ساعة لحتى يشربوا معنا الشربات منيح و بين كل فترة و فترة فينا نرجع نضيف شربات على وجهن لحتى ما ينشفوا و صحة و عافية يمكنكم الاشتراك فى صفحتنا على الفيسبوك. https://www.facebook.com/elmatbakh.elturky يمكنكم متابعتنا على الانستغرام. https://www.instagram.com/elmatbakh.elturky

Category